Disfatë në Klinë përballë Dukagjinit në një ndeshje që nuk shkoi ashtu siç duhet, pavarësisht që ekipi kontrolloi ndeshjen dhe prodhoi raste për shënim.
- Ekipi pëson humbjen e parë kampionale
- Debuton Redi Kasa
- Mehdi Çoba pëson lëndim në minutat e fundit të ndeshjes
Almir Aganspahic dhe Edi Basa patën mundësi të arta shënimi në pjesën e parë të lojës, derisa sulmuesi boshnjak e orientoi topin në kornizën e portës, anësori kroat gjuajti krejtësisht mbi traversë.
Ekipi u dënua në momentet më të mira të pjesës së parë, derisa Mërgim Pefqeli realizoi me kokë nga ndërprerja në minutën e 34-të.
Fraksioni i dytë i lojës ishte totalisht i dominuar nga kuqebardhët, mirëpo në mungesë të efikasitetit nuk pati ndryshim rezultati në favor, përveç golit të dytë të realizuar nga vendasit në minutën e parë shtesë.
Në duelin e radhës përballemi me Prishtinën në shtëpi.
https://www.youtube.com/watch?v=4x-kGVhnS3M
Të dhënat:
FC Dukagjini – SC Gjilani 2-0 (1-0)
Stadiumi: “18 Qershori” në Klinë
Gjyqtar: Burim Jahmurataj, Fatlum Berisha, Gëzim Mehmeti, Vigan Ibërdemaj, Bardh Ajeti (VAR), Fatmir Sekiraqa (AVAR)
Golashënues: Mërgim Pefqeli 34′, Iljasa Zulfiu 90+1′
Përbërja: Laroshi, Thaqi (C), Adili, Krivanjeva, Ibrahimi (77′ Çoba), Boshnjaku (77′ Morina), Bilali (45′ Totre), Rrahmani, Prapashtica (63′ Kasa), Basa, Aganspahic (68′ Jarovic). Trajner: Ardian Nuhiu
Të ndëshkuar: Armend Thaqi
