Ekipi ka zhvilluar seancën e parë stërvitore në përgatitjet për duelin e radhës kampional ndaj Dukagjinit, i cili zhvillohet të hënën më 21 prill.
Pas duelit të mesjavës ndaj Ballkanit skuadra është paraqitur në fushën stërvitore për të vijuar me procesin e punës. Ekipi i titullarëve ka punuar me përgatitësin kondicional Andi Kulli, ndërkohë pjesa tjetër e grupit është stërvitur në normalitet.
Në këtë seancë kanë munguar Sabit Bilali, shkak dëmtimi i marrë në ndeshjen e fundit kampionale dhe Oltion Bilalli për arsye shëndetësore.
Me intensitet të plotë ka punuar Endri Reçi, i cili ka lënë prapa tashmë lëndimin.
Skuadra do të jetë në punë edhe gjatë ditëve në vazhdim, derisa pret duelin ndaj Dukagjinit.
