Vetëm 48 orë kohë në dispozicion për ta përgatitur ndeshjen e radhës kampionale ndaj Dukagjinit në shtëpi.
Skuadra ka zhvilluar seancën rigjeneruese në mëngjesin e së dielës pas duelit ndaj Ballkanit, ndërkohë që ka zbritur menjëherë në fushë për ti përfunduar të hënën përgatitjet për ndeshjen e radhës ndaj Dukagjinit.
Lajme të mira vijnë nga infermieria, pasi që janë rikthyer Edison Kqiku dhe Redi Kasa, ndërkohë që Almir Aganspahic dhe Mehdi Çoba po vijojnë me procesin e rikuperimit.
Oltion Bilalli dhe Robert Rrahmani janë prej kohësh jashtë fushave të blerta dhe shpejtë pritet rikthimi i tyre.
Dueli ndërmjet Gjilanit dhe Dukagjinit zhvillohet të martën me fillim nga ora 13:00 në stadiumin ndihmës në Gjilan.
