Pas duelit të fundit kontrollues ndaj Zimbru Chisinau nga Moldavia, skuadra ka zhvilluar edhe seancën e fundit stërvitore në tokën turke.
Grupi ka qenë i ndarë me detyra për këtë sesion, derisa pjesa e skuadrës që pati minutazh më të madhe ishte e përqendruar në seancë rigjenerimi, ndërkohë grupi tjetër me ngarkesa më të mëdha.
Gjendja e futbollistëve është e mirë dhe pa ndonjë shqetësim muskular, e rëndësishme për këtë pjesë përgatitore.
Gjatë qëndrimit 15 ditor në Antalia të Turqisë, skuadra realizoi katër duele kontrolluese, me ç’rast u ballafaqua me kundërshtar tejet të fortë.
Pas rikthimit në shtëpi, ekipi qëndron për tre ditë jashtë aksionit, për t’u rikthyer në fundjavë me përgatitjet finale për këtë pjesën pranverore të kampionatit.
