Gjilani kalon me sukses testin ndaj Kikës së Hogoshtit në stadiumin ndihmës me bari sintetik në Gjilan, (3-0).
Kuqebardhët e drejtuar nga Ardian Nuhiu kishin test të suksesshëm ndaj Kikës së Hogoshtit në duelin e zhvilluar në stadiumin ndihmës me bari artificial në Gjilan ku dy ekipet plotësuan orarin e fundjavës së “zbrazët” shkaku i ndeshjeve ndërkombëtare të ekipeve përfaqësuese.
Sfidën e hapi Drin Ymeri me një gol të realizuar pas gabimit të mbrojtjes mysafire, ndërkohë që Ergys Kaçe u përkujdes me një gol maestral nga goditja e dënimit ta dërgoj të qetë ekipin në pushimin mes dy pjesëve.
Me të filluar pjesa e dytë e lojës, Albin Prapashtica realizoi pas një ndërprerje të ekzekutuar nga Edi Basa, për ta ngritur edhe më shumë epërsinë.
Jakupi në të parën dhe Ibraim e F. Ramadani në të dytën shënuan golat për Shkëndijën, derisa ish-kapiteni ynë Armend Alimi ishte autor i golit të nderit për Besën.
Raste për të shënuar në vazhdim patën edhe Senad Jarovic, Edi Basa dhe Odi Mehmeti, por goditjet e tyre nuk qëlluan cakun.
Në fund ndeshja u mbyll me rezultat të pastër me ekipin që jep shenja reflektimi pas formës jo të mirë në xhirot e para kampionale.
FT: Gjilani – Kika 3:0 (2:0)
Stadiumi ndihmës në Gjilan
Golashënues: Ymeri, Kaçe & Prapashtica
Gjilani: Haxhihamza, Kqiku (C), Ramadani, Arago, Martinaga, Kaçe, Morina, Rrahmani, Prapashtica, Krasniqi & Ymeri.
U aktivizuan edhe: Matoshi, Roganovic, Korqa, Mustafa, Shabani, Mehmeti, Bilali, Rafuna, Basa dhe Jarovic.
